आशाको नयाँ किरण- कविता

अत्तालिएको मेरो मनको भार कहाँ बिसाउन पाऊ

दुई सासमा लत्रिएको मेरो प्राण, यस्तो अशान्तिमा कसरि रमाउ

कसलाई भनू मेरा वेदना, कसकहाँ पोखु हृदयका भाव

आतंकित छ सारा संसार, दुष्ट मानिसको स्वभाव ।

परमप्रभु नै मेरो शरणस्थान, उहा नै मेरो धरहरा

हे! मेरो प्राण अब ढिला नगर उहामा नै रमा

(परमप्रभुको बाहुबलले सारा ब्रहमाण्ड ढाकेको छ, उहाको नजरबाट कोहि लुकेको छैन) -२

सायद मैले बाटो बिराएको हो, कदापि उहालाई बिर्सेको हैन

अब म फर्कनेछु...........फर्कनेछु..............।।

मेरो प्यारो मित्र! हृदय नम्र, घुडा दरिलो पार्ने बेला आइपुगेको छ

सुस्ताएका बस्तिहरुमा येशू नाउ उचाल्ने बेला आइपुगेको छ

घमन्डलाई त्यागी उहालाई अंगाल्ने बेला आइपुगेको छ

उहामाथि शरण लिने बेला आइपुगेको छ ।।।

पुन विजयको किरण उदय भएको देख्दै छु म

फेरी एकपटक "एबेन-एजेर" खडा भएको देख्दै छु म

परमप्रभुमा भरोसा गर्नेहरु उचालिएको देख्दै छु म

फेरी एकपटक "सम्झनाका ढुंगाहरु" खडा भएको देख्दै छु म ।।।।

- कविराज राई

Subscribe to Our Youtube Channel:

Bible Study